স্বকীয়

মাধুৰ্য্য ফুকন

প্ৰতি শব্দত প্ৰতি আখৰত খুদিত

হৰ্ষ-বিষাদ বেদনাৰ জোৱাৰ

প্ৰতি খোজত 

প্ৰতি উশাহত বান্ধোন

নিময়ৰ,নীতিৰ অচিলাৰে।

কিয় খোজ দিয়া

নৰকৰ দ্বাৰত

কিয় চিঞৰি নুঠা?

কিয় বুজি নুঠা

তোমাৰ হাততেই 

তোমাৰ অস্তিত্ব! 

তোমাৰ মুক্তি 

তোমাৰেই হাতত!

সফলতা

 মাধুৰ্য্য ফুকন 

নিঃসংগতাৰ গভীৰতা ফালি
শিলৰ বুকত উমলি বৈ যায়
আবিঐ আহিনৰ ধল
নিশাৰ নিৰৱতা ভাঙি
কুৰুলিয়াই কৰুলিয়াই
সকিয়াই সাৰে আছʼনে?
উবাং বাং পথাৰ খনৰ
সেউজীয়া ঘাঁহনিখন শুই পৰিছে
শুই পৰিছে ইতিহাসৰ সাৰ
উৱলি পৰা ইতিহাসৰ পাতত ধৰি
হৰিজন  আজি মাহাজন
মহাজনৰ ভৰত
কঙাল প্ৰজাৰ চৰু।
গোলাপী হাঁহিৰ কুটিল ষড়যন্ত্ৰ
ধুলি কণাৰ দৰে ভাঁহি ফুৰিছে
ৰিহাৰ আচলেৰে গামোচাৰ আবেগৰে
মূৰ ধাকি সফল নায়ক নায়িকা
সফল তুমি মই!